ⵅⴼ ⵜⴰⵙⵉⵍⴰ ⵏ ⵉⵏⵖⵎⵉⵙⵏ ⵉⵎⵏⵖⵓⴷⵏ ⵍⵍⵉ ⵢⴰⵜ ⵜⴼⴽⴰ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵎⴰⵜⵔ ⵏ ⵡⴰⴽⴰⵍ ⴰⵏⴰⵎⵓⵔ, ⵢⴼⵙⵉ ⵡⵙⵉⵔⴰ ⴰⵏⴰⵎⵎⴰⵙ ⵏ ⵉⵙⴰⴳⴳⵯⵏ ⵉⵣⵔⴼⴰⵏⵏ, ⴰⵙⵙ ⵏ ⵓⴽⵡⴰⵙ ⴳ ⵇⵏⵉⵟⵕⴰ, ⵢⴰⵜ ⵜⵖⵔⴰⵙⵜ ⵜⴰⴱⵔⵙⴳⴳⵯⴰⴷⵜ ⵉⵙⵎⴰⵏⵏ ⵚⴹⵉⵚ ⵏ ⵎⴷⴷⵏ ⴳ ⵜⵖⵔⵎⵉⵡⵉⵏ ⵏ ⵙⵉⴷⵉ ⴱⵏⵏⵓⵕ ⴷ ⵊⵊⴷⵉⴷⴰ ⴷ ⵎⵓⵃⵎⵎⴰⴷⵢⵢⴰ ⴷ ⵎⵕⵕⴰⴽⵯⵛ, ⵎⴰ ⵢⴰⴷ ⵜⵏⵏⴰ ⵜⵎⴰⵡⴰⵙⵜ ⵏ ⵓⴳⵏⵙⵓ.

ⵉⵖⵕⴰ ⵡⵎⴰⵣⴰⵏ ⴰⵏⵉⵎⴰⵏ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵓⴷⵙ ⵏ ⵜⵎⵜⵜⴰ ⵢⵎⵓⵏⵏ ⵅⴼ ⵚⵚⵃⵕⴰ ⵜⴰⵎⵖⵔⴰⵉⵜ, ⴰⵏⵙⵙⵉⵅⴼ ⵉⵣⵔⵉⵏ ⵏ ⴰⵍⵎⴰⵏⵢⴰ, ⵎⴰⵙⵙ ⵀⵓⵕⵚⵜ ⴽⵓⵍⵕ, ⴽⵔⴰ ⵢⴳⴰⵜⵜ ⵜⴰⴼⵓⵍⵜ, ⵎⴰ ⵢⴰⴷ ⵉⴳⴰⵏ ⵍⵎⵖⵔⵉⴱ, ⴷⴷⵣⴰⵢⵔ, "ⵍⴱⵓⵍⵉⵥⴰⵕⵢⵓ" ⴷ ⵎⵓⵕⵉⵟⴰⵏⵢⴰ, ⵙ ⵓⵙⵓⵔⵙ ⵡⵉⵙⵙ ⵙⵉⵏ ⵡⵙⵙⴰⵏ ⵏ 21 ⴷ 22 ⵎⴰⵕⵚ 2019 ⴳ ⵜⵎⴷⵉⵏⵜ ⵜⴰⵙⵡⵉⵙⵔⵉⵜ ⵏ ⵊⵓⵏⵉⴼ.

ⵉⵣⵓⵍ ⵓⵏⵙⵙⵉⵅⴼ ⵏ ⵚⵉⵕⴰⵍⵢⵓⵏ, ⵎⴰⵙⵙ ⵊⵓⵍⵢⵓⵙ ⵎⴰⴷⴰ ⴱⵢⵓ, ⴰⵙⵙ ⵏ ⵓⴽⵡⴰⵙ ⴳ ⴹⴹⴰⵕⵍⴱⵉⴹⴰ, ⵜⴰⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵅⴼ ⵜⴳⵎⵉ ⴳ ⵉⴼⵔⵉⵇⵢⴰ.

ⵅⵜⵉⴷ ⴰⴷ ⵉⴳⴰⵏ ⵜⵉⴼⵙⵏⵉⵡⵉⵏ ⵖⵍⵉⵏⵉⵏ ⵏ ⵡⴰⵙⵙ ⵏ ⵓⴽⵡⴰⵙ 14 ⵎⴰⵕⵚ 2019 ⵖ ⵜⴳⵍⴷⵉⵜ, ⵖⵎⴽⵍⵍⵉ ⵙ ⵜⵏⵏⴰ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵓⵏⵣⵡⵉ.

ⵉⵜⵜⵓⵙⵜⴰ ⵍⵎⵖⵔⵉⴱ ⵢⴰⵜ ⵜⴽⵍⵉⵜ ⵢⴰⴹⵏⵉⵏ ⵙⴳ ⵉⴳⵎⴰⵎⵏ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵓⵙⴱⴷⴷⵉ ⵏ ⵓⴱⵔⵙⵉⵡⴷ ⴳ ⵏ ⵜⵡⴰⵍⴰ ⵜⵉⵙⵙ ⴽⵕⴰⴹ ⴰⵎⵎⴰⵙ ⵏ ⵜⵙⵙⵉⵅⴼⵜ ⵉⵛⵛⴰⵔⵏ ⵏ ⵓⴳⵔⴰⵡ ⴰⴷ, ⴰⵎⵎⴰⵙ ⵏ ⵜⵙⵎⵓⵏⵉ ⵏ ⵓⴳⵔⴰⵡ ⵏ ⵓⵣⴷⴷⵓⵢ ⵉⵣⵔⵉⵏ ⴰⵙⵙ ⵏ ⵓⴽⵕⴰⵙ ⴳ ⵎⴰⵍⴰⴳⴰ.

ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ ⵏⵏⴰ ⵉⵜⵜⵉⵍⵉⵏ ⴽⵓ 08 ⵎⴰⵕⵚ ⴳ ⴽⵓ ⴰⵙⴳⴳⵯⴰⵙ, ⵜⵙⵏⵎⴰⵍⴰ ⵜⴰⵢⵎⵓⵏⵜ ⵜⴰⵙⴳⴰⵡⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵖⵔⵎⵜ ⵏ ⵉⵎⵜⵖⵕⵏ ⴷ ⵡⴰⵔⵣⴰⵣⴰⵜ ⵙⵉⵏ ⵉⵙⵇⵇⵉⵎ ⴰⵙⵙ ⵏ ⴰⵙⵉⵎⵡⴰⵙ ⴰⴷ ⵉⵣⵔⵉⵏ ⵙⴳ ⵜⵉⵣⵉ ⵜⵉⵙⵙ 09, ⴳ ⵜⴷⴰⵍⴰ ⵏⵏⴰ ⵢⵡⴰⵍⴰⵏ ⵉ ⵜⴽⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴷ ⵓⵙⵍⵍⵎⴷ ⵏ ⵜⵙⴳⴰ ⵏ ⴷⵕⴰ ⵜⴰⴼⵉⵍⴰⵍⵜ ⴳ ⵜⵖⵔⵎⵜ ⵏ ⵕⵕⴰⵛⵉⴷⵉⵢⵢⴰ, ⵉⵡⴰⵍⴰ ⵜⵜ ⵉⴷ ⵡⴰⵙⵙ ⵏ ⵓⵙⵉⵏⴰⵙ ⴳ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵙⵓⵍⴰⵏ ⵃⵎⵎⴰⵏ ⵍⴼⵟⵡⴰⴽⵉ ⵏⵏⴰ ⵉⵍⵍⴰⵏ ⴳ ⵜⵖⵔⵎⵜ ⵏ ⵡⴰⵔⵣⴰⵣⴰⵜ, ⴳ ⵓⵙⵏⵜⵍ ⵏ « ⵉⵡⵉⵍ ⵏ ⵜⵛⴰⵔⵔⴰⵜⵉⵏ ⵜⵉⵎⵥⵢⴰⵏⵉⵏ ⴳ ⵜⵙⴳⴰ ⵏ ⴷⵕⴰ ⵜⴰⴼⵉⵍⴰⵍⵜ », ⵓⵎⴰⵏ ⴳ ⵉⵙⵇⵇⵉⵎⵏ ⴰⴷ ⵜⵓⴳⵜⵜ ⵏ ⵉⵎⵙⵜⴳⴳⴰⵔⵏ ⴷ ⵎⵔⴰⵔⴰⵏ ⴰⵡⴰⵍ ⵅⴼ ⵜⵓⵎⴰⵏⵜ ⴰⴷ ⵏⵏⴰ ⵙⵜⵉⵏ ⴰⴷ ⵜⴳ ⴰⵙⵏⵜⵍ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵡⵜⵎⵜ.

ⵉⵍⴽⵎ ⵓⵏⵙⵙⵉⵅⴼ ⵏ ⵚⵉⵕⴰⵍⵢⵓⵏ, ⵎⴰⵙⵙ ⵊⵓⵍⵢⵓⵙ ⵎⴰⴷⴰ ⴱⵢⵓ, ⴰⵙⵙ ⵏ ⵓⴽⵕⴰⵙ ⵙ ⵍⵎⵖⵔⵉⴱ, ⵢⵉⵡⵉ ⵢⴰⵏ ⵓⴽⴰⴱⴰⵕ ⴰⵎⵇⵕⴰⵏ, ⴰⴼ ⴰⴷ ⵉⴷⵔⵓ ⴳ ⵜⵖⴰⵡⵙⵉⵡⵉⵏ ⵏ ⵓⴳⵔⴰⵡ ⴰⴳⵔⴰⵖⵍⴰⵏ ⵡⵉⵙⵙ 6 "ⵉⴼⵔⵉⵇⵢⴰ ⵜⵉⴳⵎⵉ", ⵍⵍⵉ ⵔⴰⴷ ⵉⵜⵜⵓⵙⴽⴰⵔ ⵡⵙⵙⴰⵏ ⵏ 14 ⴷ 15 ⵎⴰⵕⵚ ⴳ ⴹⴹⴰⵕⵍⴱⵉⴹⴰ ⴷⴷⵓ ⵏ ⵜⵏⵙⵙⵉⵅⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴳⴰ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵙ ⵜⵎⵣⴷⴰⵢⵜ ⴷ ⵜⵎⵙⵎⵓⵏⵜ ⵏ ⵎⴰⵙⵉⵏⵉⵙⴰ ⵉ ⵜⴷⵍⵙⴰ ⵢⴰⵏ ⵉⵖⵉⵎⵉ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵓⵙⵏⵜⵍ « ⵜⵉⵍⴰⵍⵜ ⵏ ⵜⵎⵖⴰⵔⵜ ⴳ ⵓⴼⵔⴰⴳ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ », ⴰⵙⵙ ⵏ ⵓⵙⵉⴹⵢⴰⵙ ⴰⴷ ⵉⵣⵔⵉⵏ ⴳ ⵜⵉⵣⵉ ⵜⵉⵙⵙ ⴽⵕⴰⴹⵜ ⵏ ⵜⴷⴳⴳⵯⴰⵜ, ⴳ ⵡⴰⵎⵎⴰⵙ ⵏ ⵡⴰⵏⵙⴰ ⵏ ⵜⵎⵙⵎⵓⵏⵜ ⵏ ⵎⴰⵙⵉⵏⵉⵙⴰ ⵏⵏⴰ ⵢⵍⵍⴰⵏ ⴳ ⵓⵙⵓⴽ ⵏ ⵄⵓⵎⴰⵕ ⴱⵏ ⵍⵄⴰⵚ 41.31 ⵜⴰⴷⵓⵍⵉ ⵜⵉⵙⵙ 5 ⵓⵟⵟⵓⵏ ⵡⵉⵙⵙ 5.

ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴳⴰ ⵏ ⵓⴳⵎⵎⵓⴹ ⵢⴰⵜ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⴷⴷⵓ ⵏ ⵓⵣⵡⵍ « ⴰⵜⵉⴳ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵙⵍⵎⴷ » , ⴷⴷⴰⵡ ⵏ ⵓⵜⵓⵢ ⵏ ⵙⵉⵏ ⵉⵙⵍⵎⴰⴷⵏ, ⵏⵏⴰ ⴳⴰⵏⵉⵏ ⵉⵎⴳⴳⵉⵡⵙⵏ ⵏ ⵓⵙⵍⵎⴷ ⴰⵎⵏⵣⵓ ⴳ ⵜⵖⵔⵎⵉⵏ ⵏ ⵏⵏⴰⴹⵓⵕ ⴷ ⵍⵃⵓⵙⴰⵢⵎⴰ, ⵎⴰⵙⵙ ⵄⴱⴷⵍⵎⵊⵉⴷ ⴱⵏⵃⵎⵎⴰⴷⵉ ⴷ ⵎⴰⵙⵙ ⵏⴰⵊⴰⵃ ⴱⵓⵛⵉⵢⵢⵓⵄ, ⴰⵙⵙ ⵏ ⵓⵙⵉⴹⵢⴰⵚ ⵏⵏⴰ ⵢⵣⵔⵉⵏ ⴳ ⵜⵙⴷⵍⵉⵙⵜ ⵏ ⵓⴷⴷⵉⵙ ⴰⴷⵙⵍⴰⵏ ⴳ ⵜⵖⵔⵎⵜ ⵏ ⵏⵏⴰⴹⵓⵕ.